Հարցին չեմ պատասխանում, որովհետև պատասխանն իմը չէ. Հասմիկ Պողոսյանը` պաշտոնին հրաժեշտ տալու մասին

«Ինձ տվեք այն հարցերը` ցանկացած հարց, որի պատասխանն իմն է»,- լրագրողների հետ զրույցում ասաց ՀՀ մշակույթի նախարարի պաշտոնակատար Հասմիկ Պողոսյանը` պատասխանելով հարցին, թե լուրեր են պտտվում, որ շուտով հրաժեշտ է տալու իր պաշտոնին:

Yerkir.am-ի ճշտող հարցին, թե, այնուամենայնիվ, տեսնո՞ւմ է իրեն նոր կառավարության կազմում, նա կրկին խուսափողական պատասխանեց. «Ես այդ հարցերին չեմ ուզում պատասխանել, որովհետև պատասխաններն իմը չեն: Եկեք` մի քիչ էլ մշակույթով հետաքրքրվենք, այսինքն` հարցն ըստ էության ուղղեք և ըստ էության էլ պատասխան կստանաք: Ես ձեզ խնդրում եմ` ինձ ուղղեք այն հարցերը, որոնք ուղղված են մշակույթի ոլորտին»: