Կհամակարգվեն ՀՀ ռազմարդյունաբերության ոլորտի աշխատանքները

Կառավարության վաղվա նիստի օրակարգում պաշտպանության նախարարությունը ներառել է ռազմարդյունաբերական համալիրի կազմակերպությունների գիտական, գիտաարտադրական և արտադրական ձեռքբերումների միասնական տեղեկատվական համակարգի ստեղծման և վարման կարգը հաստատելու մասին որոշում: Դրա ընդունումը կնպաստի ՀՀ ռազմական արդյունաբե­րության հա­մակար­գա­յին բա­րե­փոխումների իրա­կա­նաց­մանը:

Հայաստանն անկախ պետականության կայացման տարիներին տնտե­սու­թյունը վերակազմավորել է առանց ռազմարդյու­նաբե­րու­թյան պե­տական համա­կար­գ­ված քաղաքականության և զարգացման հստակ ծրագրերի: Չկար Հայաստանի Հան­րապետության ռազմար­դյու­նաբերական համալիրի այնպիսի իրավական դաշտ, որը հիմ­ք կստեղծեր և կնպաս­տեր սպառազինության և ռազմական տեխնիկայի (այ­սուհետ` ՍՌՏ) և ռազմատեխնիկական ունեցվածքի (այ­սուհետ` ՌՏՈՒ) նոր նմուշների ստեղծման համար անհրաժեշտ կայուն, հա­մակարգված, իրավական, տնտեսական, սոցիա­լա­կան, ինչ­պես նաև գիտական և տեխնիկական կադրային քաղաքակա­նու­թյան և հավակնոտ ծրագրերի իրակա­նաց­մանը: 

Որոշ­ման  նա­խա­գծի ընդունմամբ հիմք է դրվելու Հա­յաս­տանի Հանրա­պե­տու­թյան ռազմարդյունա­բերության ոլորտի աշխատանքների համակարգմանը և պաշտպա­նա­կան միասնական քաղաքականության իրականացմանը: Հիմք է դրվելու ռազմարդյունաբերության ոլորտը համա­կարգող միասնական նորմատիվ իրա­վական կարգավորմանը, ռազմական կարիքների պետական պատվերների ժամանակին կատարմանը, որը հնարա­վորություն կտա արդյունավետ իրա­կանացնել ռազմական արդյունաբե­րու­թյան համակար­գա­յին բա­րե­փոխումները և զարգացումը: