Չարենցի փողոցում մեքենա է շրջվել

Երևանի Չարենցի փողոցի թիվ 66 շենքի մոտակայքում այսօր տեղի է ունեցել  ճանապարհատրանսպորտային պատահար։ ՀՀ արտակարգ իրավիճակների նախարարությունից հայտնում են, որ պատահարի վերաբերյալ ահազանգը ստացվել է ժամը 18.30-ին, դեպքի վայր է մեկնել մեկ մարտական հաշվարկ։ Պատահարի հետևանքով տուժածներ չկան, առկա է եղել գազի արտահոսք: 
Դեռևս չբացահայտված հանգամանքներում «Միցուբիշի Պաջերո» մակնիշի 21 OL 168 պետհամարանիշով (վարորդ Գ. Ե.) ավտոմեքենան կողաշրջվել է ճանապարհի երթևեկելի հատվածում, շտապօգնության աշխատակիցները վարորդին տեղում ցուցաբերել են բուժօգնություն:
Փրկարարները հոսանքազրկել են և փակել ավտոմեքենայի գազի փականը, ուղղել են և դուրս բերել ճանապարհի երթևեկելի հատվածից: