ԿԽՄԿ-ի ներկայացուցիչներն այցելել են Հայաստանի` Ադրբեջանում հայտնված քաղաքացուն

Օգոստոսի 9-ին Նախիջևանի հետ սահմանը հատած` Արարատի մարզի Այգեպատ համայնքի բնակիչ Հենրիկ Աղեկյանը դեռևս գտնվում է Նախիջևանի Ինքնավար Հանրապետությունում և ձերբակալվածի կարգավիճակում է: Այս մասին Yerkir.am-ին հայտնեցին Կարմիր Խաչի միջազգային կոմիտեի հայաստանյան գրասենյակից:

Գրասենյակից մեզ տեղեկացրին նաև, որ այսօր ԿԽՄԿ Բաքվի պատվիրակության ներկայացուցիչներն այցելել են Աղեկյանին և նրան հնարավորություն տվել ընտանեկան բնույթի տեղեկատվություն փոխանցելու հարազատներին:

Ավելի վաղ հայտնել ենք, որ Հենրիկ Աղեկյանը հատել էր սահմանն ու հայտնվել ադրբեջանական տարածքում: Որոշ տեղեկություններով՝ տղամարդը հոգեկան խնդիրներ ունի, նախկինում հաճախ է կորել: