Քասախի ջրատարի ջուրը լցվել է բնակիչների տները, հացաբուլկեղենի արտադրամասը

Երեկ երեկոյան և այսօր տեղացած ուժեղ անձրևի ու կարկուտի հետևանքով Քասախի ջրատարի ջուրը դուրս է եկել և լցվել բնակիչների տները: Yerkir.am-ի հետ զրույցում գյուղի բնակիչներից Արտակ Արամյանը պատմեց, որ հեղեղաջրերը` մոտ 1 մետր բարձրությամբ, լցվել են տուն, ավտոտնակ ու հարևանությամբ գտնվող` հացաբուլկեղենի արտադրամասը:

Նա հայտնեց, որ երեկվանից զանգահարել է ԱԻՆ և միայն այսօր առավոտյան՝ ժամը 11-ի կողմերն են մարտական հաշվարկ ուղարկել: «Մեկ մարտական հաշվարկ է ժամանել, բայց չկարողացան ինչ-որ բան անել»,- ասաց մեր զրուցակիցը:

Նրա խոսքով՝ հեղեղաջրերը զգալի վնաս են հասցրել հատկապես արտադրամասին, որտեղ եղել են սառնարաններ ու այլ տեխնիկա:

Արամյանը հայտնեց, որ դեռևս չի պարզել վնասի կոնկրետ չափը, քանի որ մինչ այս պահը տանը ջուր է լցված:

Մանրամասները ՝ Yerkir.am-ի տեսանյութում: