Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Եվրոպա Լիգայի առաջին որակավորման փուլի պատասխան խաղում «Փյունիկ»-ը 2-1 հաշվով հաղթեց «Եվրոպա»-ին, սակայն լքեց պայքարը երկու խաղերի ընդհանուր արդյունքով։ Հետխաղյա մամլո ասուլիսի ժամանակ «Փյունիկ»-ի գլխավոր մարզիչ Սարգիս Հովսեփյանը հայտարարեց իր հրաժարականի մասին:
«Նվիրվածություն կար, բայց որակը պարզ էր, որ վատ է։ Շատ դժվար է, որ խաղը սկսում ես, և մեծ ցանկություն կա հաղթելու, բայց այդպիսի սխալ ես թույլ տալիս։ Բան չունեմ ասելու, այդպես էլ է լինում, բայց ճակատագրական եղավ, որովհետև, միանգամից այդպիսի գոլ բաց թողնելով, հնարավորությունները քչացան։ Բայց տղաները կարողացան իրենց հավաքել և հաղթել։ Այսօր այսքանը կարող են անել երիտասարդները։
Իմ առջև առաջադրանք էր դրված, որը ես չկատարեցի, այդ պատճառով պետք է հրաժարական տամ, որովհետև եթե ես չկարողացա նպատակին հասնել, ուրեմն պետք է դա անի մի այլ մարդ, ով ավելին կկարողանա։ Այս պահին ես այսքանը կարողացա անել։ Ինձ շատ հարազատ ակումբ է «Փյունիկ»-ը, մեծ հաջողություններ եմ ցանկանում և ամենալավն ու բարին»,- մարզչի խոսքերն է մեջբերում ակումբի պաշտոնական կայքը։