«Երեւան սիթի»-ի մոտ մետաղյա ձողով ոստիկանի են ծեծել

Երեւանում անցած  գիշեր արտակարգ դեպք է տեղի ունեցել. «Երեւան Սիթի» սուպերմարկետի մոտ ծեծի են ենթարկել ոստիկան Հրաչյա Մելքոնյանին, փոխանցում է Shamshyan.com-ը:

Կայքի տեղեկություններով, ժամը 03։10-ի սահմաններում «Արմենիա» բժշկական կենտրոն է տեղափոխվել մի քաղաքացի «գլխի բացված վերք» ախտորոշմամբ: Պարզվել է, որ վիրավորը Երևանի բնակիչ 33-ամյա Հրաչյա Մելքոնյանն է, որն աշխատում է Ոստիկանության Մաշտոցի բաժնում՝ համայնքային ոստիկան, կոչումով ավագ լեյտենանտ է:

Մելքոնյանը հիվանդանոցում հայտնել է, որ Ռուբինյանց փողոցում գտնվող «Երևան Սիթի» սուպերմարկետի մոտ 4 հոգի հարձակվել են իր վրա, երկաթով հարվածել գլխին մի քանի անգամ։

Կատարվում է քննություն, երկու անձ բերման է ենթարկվել: