Հունիսյան հանդիպումը մեծ նշանակություն ունի Բաքվի համար. դեսպան

ՌԴ-ում Ադրբեջանի դեսպան Պոլադ Բյուլբյուլօղլուն հայտարարել է, որ Հայաստանի և Ադրբեջանի նախագահների հունիսյան հանդիպումը մեծ նշանակություն ունի Ադրբեջանի համար. հայտնում է РИА Новости-ն: Այդ մասին նա ասել է ադրբեջանական АПА-ի հետ զրույցում:

«Ես լիազորված չեմ խոսել հանդիպման վայրի և ամսաթվի մասին: Սակայն կարծում եմ` այն կկայանա հունիսին: Այդ հանդիպումը մեծ նշանակություն ունի մեզ համար»,- նշել է դեսպանը:

Հիշեցնենք, որ ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Կրեմլում չեն բացառում ՌԴ, ՀՀ և Ադրբեջանի նախագահների եռակողմ հանդիպումը Սանկտ Պետերբուրգում: Նա նշել էր, որ այդ ուղղությամբ աշխատանք է տարվում: