Կկրճատվեն տրանսպորտի նախարարությանը սպասարկող տեխնիկական և բեռնատար մեքենաներ

Վարչապետ Հովիկ Աբրահամյանի հանձնարարականը ՀՀ տրանսպորտի և կապի նախարարության ուշադրության կենտրոնում է. այսօր լրագրողներին ասաց փոխնախարար Արթուր Առաքելյանը: Նրա խոսքով՝ նախարարությունը ստեղծել է աշխատանքային խումբ, որը զբաղվում է այդ հանձնարարականի հետ կապված բոլոր աշխատանքներով: Դրանց ավարտից հետո ցուցանիշներն ու թվերը կհրապարակվեն:

«Մեզ մոտ կային լուծումներ, որոնք տրվել են մինչև վարչապետի հանձնարարականը»,- ասաց փոխնախարարը: Նրա խոսքով՝ նախատեսում են կրճատել նախարարությանը սպասարկող տեխնիկական և բեռնատար մեքենաները: Ըստ Առաքելյանի` 13 ծառայողական մեքենաներից 4-ը կրճատելու են, իսկ հաստիքային կրճատումների հարցը քննարկման փուլում է: