Բնապահպանության նախարարությունում կրճատվել է մոտ 25 ավտոմեքենա. նախարար

Բնապահպանության նախարարությունում ևս ավտոմեքենաների կրճատում է տեղի ունեցել` մոտ 25 ավտոմեքենա. այսօր խորհրդարանում լրագրողների հետ զրույցում ասաց նախարար Արամայիս Գրիգորյանը: Նրա խոսքով`մեքենաները ոչ թե պահուստային են, այլ ներկա պահին շահագործվող: Իսկ թե կոնկրետ ո՞ւմ էին սպասարկում մեքենաները, նախարարը դժվարացավ ասել:

Հարցին, թե ի՞նչ միջոցառումներ են ձեռնարկվել բնապահպանության նախարարության ենթակայությամբ գործող ՊՈԱԿ-ներում կոռուպցիոն ռիսկերը բացահայտելու համար, Գրիգորյանը պատասխանեց, թե, օրինակ, ընդերքի ոլորտի համար ստեղծվել է մեկ պատուհանի սկզբունքը, որպեսզի հնարավոր լինի խուսափել կոռուպցիոն ռիսկերից: «Արդեն մեկ տարի է` մենք սկսել ենք, և դա շարունակական է լինելու»,- եզրափակեց նախարարը: