«Եվրատեսիլ-2016» երգի մրցույթի արդյունքները չեն վերանայվի. պաշտոնական

«Եվրատեսիլ-2016» երգի մրցույթի կազմակերպիչները պատասխանել են change.org  կայքում տեղադրված խնդրագրի հեղինակին, ով պահանջում էր քննել մրցույթի արդյունքները: 

Մրցույթի ֆեյսբուքյան էջում տեղադրված հաղորդագրության մեջ հայտնել են, որ «Եվրատեսիլ-2016-ի» հաղթողը կմնա Ուկրաինան:

«Եվրատեսիլ»-ը երգի մրցույթ է, և կարող է միայն մեկ հաղթող լինել: Մենք հասկանում ենք, որ ոչ բոլորն են համաձայն մրցույթի արդյունքների հետ, սակայն մրցույթում, որտեղ արդյունքները որոշվում են սուբյեկտիվ և հաճախ շատ անձնական կարծիքների հիման վրա, միշտ էլ կլինեն մարդիկ, ովքեր համաձայն չեն լինի: Չնայած դրան` արդյունքները ուժի մեջ են մնում»,- նշվել է հաղորդագրության մեջ:

Հիշեցնենք, որ «Եվրաատեսիլ-2016»-ի եզրափակիչ փուլի արդյունքները քննելու պահանջով Change.org կայքում ստորագրահավաք է սկսել: Խնդրագրի հեղինակը Երևանի բնակիչ Արթուր Հովհաննիսյանն է: