Ոչ միայն չենք փակելու, այլև ընդլայնելու ենք մեր աշխատանքները. թուրքական Zaman-ը հերքում է տարածել

Թուրքական Zaman թերթի կառավարման խորհրդի անդամ Թահսին Քափլանը հերքել է թերթը փակելու մասին թուրքական մամուլում տարածված տեղեկությունները:

Sabah-ի հետ զրույցում Քափլանը հայտնել է, որ իրենք նման որոշում չեն ունեցել, չեն էլ ունենա և ոչ միայն չեն փակի թերթը, այլև կընդլայնեն իրենց աշխատանքները:

«Թերթը և հոլդինգի կազմում գտնվող մյուս կազմակերպությունները փակելու համար մի շարք իրավական գործընթացներ են պահանջվում, ինչպիսիք այժմ չեն իրականացվում»,- նշել է նա:

Քափլանը տեղեկացրել է նաև, որ կփոխվի թերթի լոգոն և ձևավորումը: Նրա խոսքով` Zaman-ի ընթերցողները շուտով ավելի տպավորիչ թերթ կտեսնեն:

Հիշեցնենք, որ երեկ թուրքական մամուլում լայն տարածում էին գտել հայտնի Zaman թերթն ու Cihan լրատվական գործակալություն փակելու վերաբերյալ լուրերը: