ԵՄ-ի և Թուրքիայի միջև տարածությունը մեծանում է. Եվրահանձնաժողովի փոխնախագահ

Եվրոպական խորհրդարանում Թուրքիայի և Եվրամիության միջև փախստականների հարցով պայմանագրի քննարկման ժամանակ ելույթ ունեցող` Եվրահանձնաժողովի առաջին փոխնախագահ Ֆրանս Թիմմերմանսը հայտարարել է, որ Թուրքիայի և իրենց միջև տարածությունը չի փոքրանում, հակառակը`մեծանում է: Ըստ Թիմմերմանսի` Թուրքիայի` ԵՄ-ից հեռանալու պատճառն այդ երկրում մարդու իրավունքների, մեդիայի և քաղաքացիական հասարակության վիճակն է. տեղեկացնում է Ermenihaber-ը:

Ըստ թուրքական «Hurriyet» թերթի կայքի` Թիմմերմանսը նշել է, որ իրավիճակը լավացնելու համար Թուրքիայի հետ շփումներ են պետք:

«Ի՞նչ տվեցին մեզ նախորդ տարիները, երբ չկային շփումներ: Միմյանց թիկունք դարձրեցինք, միմյանց հետ չխոսեցինք, ու այդ տարիներին Թուրքիայում ոչ մի բան չարվեց մարդու իրավունքների և մամուլի վիճակը բարելավելու համար: Մեզ շփումներ են հարկավոր»,- ասել է նա:

ԵՄ-ի բարձրաստիճան պաշտոնյան հայտարարել է, որ եթե Թուրքիան ցանկանում է մերձենալ Եվրամիության հետ, ապա դա կարող է անեմ միայն մեդիայի, մարդու իրավունքների ու քաղաքացիական հասարակության վիճակը բարելավելուց հետո: