Արցախում զոհված հրետանավորը փոխգնդապետ էր, 4 երեխաների հայր (լուսանկար)

Ապրիլի 25-ի լույս 26-ի գիշերը ղարաբաղա-ադրբեջանական շփման գծում հակառակորդի կողմից  կրակի դադարեցման պայմանավորվածությունների խախտման արդյունքում զոհված Արամ Նիկոլայի Առուշանյանը ԼՂՀ Մարտակերտի շրջանի Հաթերք գյուղից էր:

Փոխգնդապետ, «Մարտական խաչ» 2-րդ աստիճանի շքանշանակիր Արամ Առուշանյանն Արցախյան պատերազմի ժամանակ եղել է հրետանու պետ: Քառօրյա պատերազմում նա ինքնակամ ստանձնեց հրետանավոր-հրամանատարի իր ծառայությունը:

Yerkir.am-ը «Ջրաբերդ» պաշտոնաթերթից տեղեկացավ, որ 44-ամյա փոխգնդապետն ամուսնացած էր, 4 անչափահաս երեխաների հայր:

Հիշեցնենք, որ ապրիլի 25-ին և լույս 26-ի գիշերը ադրբեջանա-ղարաբաղյան զինված դիմակայության գոտում հակառակորդի կողմից կրակի դադարեցման պայմանավորվածությունների խախտման արդյունքում մահացու վիրավորումներ էին ստացել ՊԲ պայմանագրային զինծառայողներ Տիգրան Մխիթարի Պողոսյանը (ծնվ. 1992թ.) և Արամ Նիկոլայի Առուշանյանը (ծնվ. 1972թ.):

Լուսանկարում Արամ Առուշանյանն է ավագ որդու հետ: