Այսօր Քյարամ Սլոյանը կդառնար 20 տարեկան

Ապրիլյան քառօրյա պատերազմում զոհված  Քյարամ Սլոյանն այսօր կդառնար 20 տարեկան:

Քյարամ Սլոյանը կռվել է Արմենակ Ուրֆանյանի հրամանատարությամբ: Ապրիլի 1-ի լույս 2-ի գիշերը ղարաբաղա–ադրբեջանական հակամարտ զորքերի շփման գծի ողջ երկայնքով հակառակորդի ձեռնարկած հարձակմանը առաջինը դիմադրողներից էր: Հակառակորդի երկրորդ դիվերսիոն հարձակման ժամանակ Արմենակ Ուրֆանյանը հրամայել էր անձնակազմին ետ քաշվել, իսկ ինքը մնացել էր մարտական հենակետում՝ ապահովելու զինվորների ապահով նահանջը: Հրամանին չէր ենթարկվել միայն մեկը՝ շարքային Քյարամ Սլոյանը: Նա ընկավ հերոսի մահով` մինչև վերջ մնալով հրամանատարի կողքին:

Փա’ռք քեզ, Հայոց բանակի զինվոր: