Պուտինն ու Օբաման հեռախոսազրույց են ունեցել

ՌԴ նախագահ Վլադիմիր Պուտինն ու ԱՄՆ նախագահ Բարաք Օբաման հեռախոսազրույց են ունեցել և քննարկել իրավիճակը Սիրիայում, մասնավորապես՝ երկրից ռուսական զորքը դուրս բերելու որոշումը: Այդ մասին ասվում է Կրեմլի կայքում:

Պուտինն Օբամային տեղեկացրել է, որ միջազգային ահաբեկչության դեմ պայքարում ռուսական զորքի հիմնական հանձնարարությունը կատարվել է, և որոշում է կայացվել Սիրիայից ռուսական ավիախմբի հիմնական մասի դուրս բերման վերաբերյալ։

«Դա, անկասկած, լավ ազդակ կդառնա հակամարտող բոլոր կողմերի համար և պայմաններ կստեղծի իրական խաղաղ գործընթացի մեկնարկի համար»,- ասվում է հաղորդագրությունում:

Կողմերը նաև պայմանավորվել են համակարգել ջանքերը՝ հրադադարի պահպանման համար: