Վարկուտայի ածխահանքում մնացած հանքափորներին չի հաջողվել փրկել

Վարկուտայում «Հյուսիսային» ածխահանքում տեղի ունեցած վթարի հետեւանքով հանքում փակված հանքափորներին փրկել չի հաջողվել, հայտնել է  «Վարկուտաուգոլի» տեխնիկական տնօրենը: Նշենք, որ անցած հինգաշբթի օրը ածխահանքում տեղի ունեցած պայթունի ժամանակ այնտեղ 110 մարդ է եղել, որից 80-ին փրկարարները կարողացել են դուրս բերել: 26-ի ճակատագիրն անհայտ էր: ՌԴ ԱԻՆ-ի ղեկավար Վլադիմիր Պուչկովը ՏԱՍՍ-ին ասել է, որ վթարից հետո հանքում պայմաններն անհամատեղելի են կյանքի հետ: Փրկարարական աշխատանքների ընթացքում տեղի է որ ունեցել եւս մի պայթյուն, որի հետեւանքով 5 փրկարար եւ  ընկերության 1 աշխատակից էր մահացել:

Կոմիի Հանրապետությունում հայտարարվել է եռօրյա սուգ: