Գալուստ Սահակյանը շուտով կվերադառնա. ԱԺ արտահերթն՝ առանց նրա

Այսօր ԱԺ արտահերթ նիստ է գումարվել կառավարության նախաձեռնությամբ: Օրակարգում «Կառավարության կառուցվածքային փոփոխության մասին» օրենքում փոփոխություններ կատարելու մասին հարցն է, որով առաջարկվում է ՏԿԱԻ նախարարությունը բաժանել տարածքային կառավարման ու արտակարգ իրավիճակների նախարարությունների: ԱԺ արտահերթ նիստը վարում է ԱԺ նախագահի տեղակալ Էդուարդ Շարմազանովը, քանի որ ԱԺ նախագահ Գալուստ Սահակյանը առողջական խնդիրների պատճառով գտնվում է հիվանդանոցում:

«Գալուստ Սահակյանի առողջական վիճակը լավ է, և նա շուտով կվերադառնա: Բոլորս առողջություն ենք մաղթում նրան»,- ասաց Շարմազանովը:

ՀԱԿ խմբակցության ղեկավար Լևոն Զուրաբյանը հարց ուներ` ինչո՞ւ է հերթական քառօրյայից անմիջապես առաջ որոշվել արտահերթ նիստ հրավիրել: Շարմազանովը պատգամավորին հիշեցրեց, որ դա կառավարության իրավունքն է, իսկ ԱԺ-ն առաջնորդվում է կանոնակարգ-օրենքով: