ՌԴ հետ ճգնաժամի պատճառով Թուրքիայում 1300 հյուրանոց է վաճառքի հանվել

Թուրքիայում  անվտանգության հետ կապված իրավիճակի վատթարացման և ՌԴ հետ ճգնաժամի պատճառով Էգեյան և Միջերկրական ծովերի ափերին գտնվող 1300 հյուրանոց է վաճառքի հանվել:

Թուրքական Zaman-ը հայտնում է, որ երկրում զբոսաշրջության ոլորտը ճգնաժամի մեջ է հայտնվել ռուսական Սու-24 ինքնաթիռի խողումից հետո, ինչի հետևանքով էլ 1300 հյուրանոց  վաճառքի է հանվել:

Անթալիայում անշարժ գույքի վաճառքով զբաղվող Իսմայիլ Օզը հայտնել է, որ հյուրանոցներն այնքան եկամուտ չունեն, որքան նախկինում: «Հյուրանոցների սեփականատերերից շատերը պարտքեր ունեն, վարկեր են վերցրել, սակայն, քանի որ աշխատանքը վատ է, չեն կարողացել վճարել: Դրանց ավելացավ ՌԴ-ի հետ ճգնաժամը, ինչի արդյուքնում տուրիզմով զբաղվողներն իրենց հյուրանոցները հանեցին վաճառքի»,- ասել է նա:

Թուրքերը նաև նշել են, որ երկրում զբոսաշրջության ոլորտը տուժում է ահաբեկչության վտանգի հետևանքով: Կ.Պոլսի Սուլթանահմեդ հրապարակում տեղի ունեցած ահաբեկչությունից հետո Թուրքիա ժամանած զբոսաշրջիկների մեծ մասը չեղարկել է այցերը: