ՌԴ-ն հնարավոր է Թուրքիայից պահանջի փոխհատուցում տալ А321-ի կործանման հետևանքով զոհվածների հարազատներին

Մոսկվան հնարավոր է պահանջի, որ Թուրքիան փոխհատուցում տա А321-ի կործանման հետևանքով զոհվածների հարազատներին, եթե հաստատվի տեղեկությունը, որ թուրքական «Գորշ գայլեր»-ը մասնակցություն են ունեցել ռուսական օդանավում ահաբեկչությունը կազմակերպելուն. հայտնում է РИА Новости-ն: Այդ մասին հայտարարել է ՌԴ Դաշնային խորհրդի պաշտպանության և անվտանգության հարցերով հանձնաժողովի նախագահ Վիկտոր Օզերովը:

Հիշեցնենք, որ Коммерсантъ-ը, վկայակոչելով ռուսական հատուկ ծառայություններում իր աղբյուրները, գրել էր, որ Եգիպտոսում Airbus A321 օդանավում ահաբեկչություն կազմակերպելու հետ կարող են կապ ունենալ «Գորշ գայլեր» թուրքական ազգայնամոլ խմբավորման գրոհայինները։