Փաստաբանն ահազանգում է «Դոլմաման» օտարելու գործով բացահայտ խախտումների մասին

Փաստաբան Տիգրան Աթանեսյանն իր ֆոյսբուքյան էջում գրում է. «Այս տարվա հունվարին ներգրավվել եմ որպես «Դոլմամա» ռեստորանի սեփականատերերի ներկայացուցիչ՝ իրենց անշարժ գույքը «պետության կարիքների համար» օտարելու գործով: Դատավարությունն առանց իմ վստահորդների արդեն ընթանում էր և հունվարի 19-ին՝ մեկը մյուսի հետևից նշանակված էին դատական նիստեր՝ այն էլ դատաքննություն: Հունվարի 18-ին դատարանին դիմել եմ նիստը հետաձգելու խնդրանքով՝ ներկայացնելով գրասենյակ համապատասխան դիմում և կից փաստաթղթերը:

Դատարանը առանց ինձ իրականացնում է դատաքննություն և ըստ datalex-ի փետրվարի 3-ին նշանակում վճիռների հրապարակման օր: Այսօր ծանոթացա գործի նյութերին և պարզեցի, որ դատարանի գրասենյակը չգիտես ինչու իմ դիմումների վրա նշել է, որ դրանք ստացվել են հունվարի 19-ին, այլ ոչ թե 18-ին, և դատաքննության ավարտից հետո: Նման տեսակի բացահայտ խախտումներ վաղուց չէի հանդիպել»: