Թուրքիայում «իրենց տերերի կողմից լքված պատմական կացարանները» կվերածեն հյուրանոցի

Կ.Պոլսի քաղաքապետարանի խորհրդարանում նոր որոշում է կայացրել, համաձայն որի` երկրում շինարարական նոր ծրագրերի շրջանակներում պատմական պանդոկները վերածվելու են հյուրանոցների կամ բուտիկ-հյուրանոցների:

Ըստ Demokrathaber-ի՝ այդ որոշումն սկսելու են կյանքի կոչել «Պատմական թերակղզի» անունով հայտնի Էմինոնուի շրջանի սահմաններում: Ծրագրին իր համաձայնությունն է տվել «Արդարություն և զարգացում» կուսակցությանը ենթակա` Ֆաթիհի քաղաքապետ Մուսթաֆա Դեմիրը:

«Անցյալում որպես տուն օգտագործված կացարաններ կան, որոնք լքվել են իրենց տերերի կողմից: Մենք ամեն տարի ականատես ենք լինում դրանք փլուզմանը: Այս ծրագրով դրանց փլուզումն ենք կանխելու: Եթե նմանատիպ պատմական գանձերը չարժևորենք, անհնար է դրանց գոյատևումը»,- ասել է նա: