Բրյուսելում այսօր մետրոն չի գործի. քաղաքը լիքն է ոստիկաններով

Բելգիայի մայրաքաղաք Բրյուսելում փակվել է մետրոն, և ողջ օրվա ընթացքում այն չի գործի: BBC-ից տեղեկանում ենք, որ Բելգիայի իշխանություններն ահաբեկչական սպառնալիքի առավելագույն մակարդակ են հայտարարել Բրյուսելում:

Տեղի իշխանությունները քաղաքացիներին կոչ են արել, որպեսզի նրան խուսափեն հայտնվել մարդաշատ վայրերում` համերգասրահներ, թատրոններ…

Բրյուսելի փողոցները լիքն են ոստիկաններով, նրանք հսկում են անգամ հյուրանոցների ելք ու մուտքը:

Հիշեցնենք, որ ավելի վաղ տեղեկացրել էինք, թե  հնարավոր է՝ նման որոշումը կապված է հետաքննության և այն մարդկանց որոնման հետ, որոնք կապված են Փարիզում տեղի ունեցած ահաբեկչությունների հետ: