Գետափ-Մարտունի ավտոճանապարհը դարձել է միակողմանի երթևեկելի` սողանքի պատճառով

Տարածքային կառավարման և արտակարգ իրավիճակների նախարարություն նոյեմբերի 14-ին՝ ժամը 21.16-ին տեղեկություն է ստացվել, որ Գետափ-Մարտունի ավտոճանապարհին՝ Քարագլուխ գյուղի մոտակայքում, տեղի է ունեցել սողանք, ինչի հետևանքով երթևեկությունը երկկողմանի փակվել է:

 Ըստ ՏԿԱԻՆ կայքի՝ դեպքի վայր են մեկնել մեկ մարտական հաշվարկ ՄՃԿԿ օպերատիվ խումբը:

 Պարզվել է, որ Մ-10 ավտոճանապարհի Գետափ-Մարտունի հատվածի 17-րդ կմ-ում ոռոգման ջրի առվակը, ողողվելով հարակից ցեխակույտի հետ, լցվել է երթևեկելի հատվածը (մոտ 70 մ.) երկարությամբ, ինչի հետևանքով ճանապարհը դարձել է միակողմանի երթևեկելի:

 «Եղեգնաձորի ՃՇՇ» ՓԲԸ-ի աշխատակիցները սկսել են ճանապարհի մաքրման աշխատանքները, որից հետո ճանապարհը դարձել է ամբողջովին երթևեկելի:

 Հրշեջ-փրկարարները սահմանազատել են տարածքը և իրականացրել հերթապահություն: