Ատրճանակով մուտք է գործել Երևանի մերսման սրահներից մեկն ու ծեծել տնօրենին

Երևանի բնակիչ 31-ամյա տղամարդը մեղադրվում է Կոմիտասի մերսման սրահներից մեկում ծեծկռտուք սարքելու համար: Մեղադրական եզրակացության համաձայն՝ Ա. Ս-ն իր ծանոթ կնոջ խնդրանքով վերջինիս նախկին աշխատավայրի՝ մերսման սրահի տնօրենից իրեն պարտք եղած գումարը` 200.000 ՀՀ դրամը վերադարձնելու նպատակով, այս տարվա օգոստոսին, գործով չպարզած երկու անձանց հետ այցելել է Կոմիտասում գտնվող մերսման սրահը, ծեծի են ենթարկել տնօրենինին:

Ըստ մեղադրական եզրակացության՝ տղամարդը ծեծի է ենթարկել նաև բռնությունը կանխելու նպատակով միջամտած մի աղջկա: Ա. Ս-ի նկատմամաբ, որպես խափանման միջոց է ընտրվել՝ չհեռանալու մասին ստորագրությունը: Գործով, որպես իրեղեն ապացույց է ճանաչվել գազային ատրճանակը երեք փամփուշտով, ատրճանակի վրայից հայտնաբերված արյան հետքը, մեղադրյալի մատանին, նույնականացման քարտը և գազային ատրճանակի թույլտվության վկայականը: Սա ենթադրում է, որ մեղադրյալը տուժողներին հարվածներ է հասցրել ատրճանակով:

Հիշյալ գործը Արաբկիր Քանաքեռ-Զեյթուն համայնքների դատախազությունն ուղարկել է նույն շրջանի դատախազություն: