«Ոչ»-ի ճակատի կողմից միանգամից մի քանի պահանջ առաջ քաշելը Բագրատյանն անհեռատես է համարում

Այսօր ԱԺ ընդդիմադիր պատգամավոր Հրանտ Բագրատյանը լրագրողների հետ զրույցում անդրադարձավ սահմանադրական փոփոխություններին վերաբերող հարցերին:

Նա նշեց, որ իր՝ «Ազատություն» կուսակցության անդամները կմասնակցեն «Ոչ»-ի քարոզարշավին, հանդիպումներ կունենան հասարակության հետ:

Հարցին, թե ինչո՞ւ չի միանում «Ոչ»-ի միասնական շտաբին, Բագրատյանը  պատասխանեց, որ իրենք առաջ են քաշել միայն Սահմանադրության հարցը, բայց ոմանք դրեցին նաև իշխանափոխության, արտահերթ ընտրությունների հարցերը: «Ստացվում է, որ ես գնում եմ, նրանց ջրաղացին ջուր եմ լցնում, ինչի՞ համար: Ես չեմ հասկանում՝ ինչքան պետք է ոչ հեռատես լինել, որպեսզի միանգամից տասը խնդիր դնել: Ընդ որում՝ գիտեն, որ հիմա լուծելի չեն այդ խնդիրները»,- ասաց նա: