Հյուրանոցային ծառայություններ մատուցող անհատ ձեռնարկատերերը կարող են գործել ընտանեկան ձեռնարկատիրության հարկման արտոնյալ համակարգում

Կառավարության նիստի վաղվա օրակարգում ներառված է «Հարկերի մասին» օրենքում լրացումներ կատարելու մասին հարցը,  որը կառավարության հաստատմանը ներկայացնելուց հետո պետք է ուղարկվի ԱԺ:     

Սույն օրենքն ուժի մեջ մտնելուց հետո «Արտոնագրային վճարների մասին» Հայաս­տանի Հանրապետության օրենքի 1-ին հավելվածով հաստատված ցանկի 13-րդ կետով նախա­տես­ված գործունեության տեսակն իրականացնող անհատ ձեռնարկատերերը կարող են ընտա­նե­կան ձեռ­նարկա­­տիրու­թյան սուբյեկտ համարվել «Հարկերի մասին» ՀՀ օրենքով սահմանված կար­գով և ժամ­կետ­­­նե­րում՝ անկախ տվյալ տարվա որևէ ժամա­նա­կա­հատ­վածի համար արտո­նագ­րային վճար վճա­­րող համարվելու հանգամանքից:

Նախագծի ներկայա­ցումը պայմանավորված է զբոսա­շրջային տների միջոցով հյուրանոցային ծառայությունների մատուց­ման գործունեու­թյամբ զբաղվող անհատ ձեռնարկատերերին ընտանեկան ձեռնար­կա­տիրու­թյան սուբյեկտ համար­­վելու հնարավորություն ընձեռելու անհրաժեշտությամբ:

Ներ­կա­յումս, «Արտոնագրային վճարների մասին» ՀՀ օրենքի համաձայն, անհատ ձեռնար­կա­տեր չհան­դի­սացող այլ ֆիզիկական անձանց աշխատանքը չօգտա­գոր­ծող և զբոսաշրջային տների միջո­ցով հյուրանոցային ծառայություններ մատուցող անհատ ձեռ­նար­կատերերը հանդիսանում են արտոնագրային վճար վճարողներ:

Նախագծով առաջարկվում է սահ­մա­նել, որ ընտանեկան ձեռնարկատիրության սուբ­յեկտներ կարող են համարվել նաև «Արտո­­նագ­րա­­­յին վճար­ների մասին» Հայաստանի Հանրապետության օրենքի 1-ին հավել­վա­ծով հաստատ­ված ցանկի 13-րդ կետով նախատեսված` զբոսաշրջային տների միջոցով հյու­րանոցային ծառա­յու­­թյուններ մատուցող անհատ ձեռ­նար­­կա­տե­րերը:

Կառավարության կողմից իրականացվող քաղաքականությունն ուղղված է փոքր և միջին ձեռ­­նարկատիրության համար բարենպաստ հարկային միջավայրի ստեղծ­մանը: