Թմրամիջոց` այգու ընկուզենու տակ գտնվող մահճակալի մեջ

Ոստիկանության Դիլիջանի բաժնի ծառայողները 1969 թ. ծնված Արմեն Թ.-ի այգու ընկուզենու տակ գտնվող մահճակալի միջից հայտնաբերել են մոտ 1.3 գ կշռով կանեփանման բույսի չորացված մանրացված զանգված, պոլիէթիլենային տոպրակի մեջ լցված մոտ 3.9 գ կշռով կանեփանման բույսի չորացված մանրացված զանգված, իսկ Արմեն Թ.-ի կինը` 1990 թ. ծնված Մարիամ Ա.-ն, տանը կից արհեստանոցից ներկայացրել է մոտ 4.9 գ կշռով կանեփանման բույսի չորացված մանրացված զանգված և հայտարարել, որ հայտնաբերված և իր կողմից ներկայացված զանգվածները պատկանում են ամուսնուն, ով դրանք քաղել է իրենց տան հարակից անտառից: 

Նշանակվել է տոքսիկոքիմիական փորձաքննություն: 
Կատարվում է հետաքննություն: