Կառավարության որոշմամբ` վերջ կդրվի ընդդիմադիր պատգամավորների` «ո՞ւր է Իշխան Զաքարյանը» հարցադրմանը

Այսօր կառավարության նիստում հավանության արժանացավ որոշման նախագիծ ԱԺ կանոնակարգ-օրենքում փոփոխություն կատարելու մասին, որը նախատեսում է համապատասխան օրենքի համապատասխան հոդվածում «Վերահսկիչ պալատի նախագահ» բառերից հետո ավելացնել` «իսկ նախագահի ներկայության անհնարինության դեպքում` Վերահսկիչ պալատի խորհրդի լիազորությամբ` վերջինիս փոխարինելու իրավասություն ունեցող  անձը»: Այսինքն` ԱԺ-ում բյուջեի կատարման մասին տարեկան հաշվետվությունը ներկայացնելիս 30 րոպե տևողությամբ հարակից զեկուցմամբ` Վերահսկիչ պալատի գործունեության տարեկան ծրագրի նախագիծը և Վերահսկիչ պալատի վերահսկողական աշխատանքների արդյունքների վերաբերյալ  հաշվետվությունը ներկայացնելիս զեկուցմամբ հանդես է գալիս Վերահսկիչ պալատի նախագահի տեղակալը,  եթե ՎՊ  նախագահը գտնվում է արձակուրդում, գործուղումներում:

Այս որոշմամբ կառավարությունը նախատեսում է բարձրացնել ՎՊ գործունեության արդյունավետությունը: