Փոխարժեքներ
03 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Այսօր կառավարության նիստի օրակարգի քննարկումից առաջ վարչապետ Հովիկ Աբրահամյանը հայտարարեց, որ առաջարկություն և հանձնարարական ունի էկոնոմիկայի նախարարությանը: «Առաջարկում եմ ՏՄՊՊՀ-ին, էկոնոմիկայի նախարարությանը և քաղավիացիայի գլխավոր վարչությանը` աշխատել համատեղ, ամենայն մանրամասնությամբ ուսումնասիրել ավիափոխադրողների շուկան` թե\' գների, թե\' ուղղությունների, թե\' թռիչքների ժամերի ու պայմանների ուղղությամբ: Բանակցել այն ընկերությունների հետ, որոնք գիշերային թռիչքներ են իրականացնում: Ինչո՞ւ չկազմակերպել թռիչքները ցերեկային ժամերին: Գիշերային ժամերը անհարմարություններ են ստեղծում մեր տուրիզմի համար: Տուրիստը եթե ժամանում է առավոտյան հինգին, ապա մինչև կեսօր պետք է լրացուցիչ վճարի հյուրանոցի համար: Դրա համար, պարո\'ն Ճշմարիտյան, պետք է այս հարցը մանրամասն քննարկել և ներկայացնել առաջարկություններ»:
Նախարար Կարեն Ճշմարիտյանը հարցրեց վարչապետին. «Ի՞նչ ժամկետ եք սահմանում, այդ խնդրով զբաղվելու համար»:
Հովիկ Աբրահամյանը պատասխանեց. «Երկու շաբաթում եք անում: Չգիտեմ, նայեք սկսեք աշխատել, ընթացքում կորոշենք»: