Գյումրի եւ Գյանջա թռիչքներն արգելվել են

Ռուսաստանի օդային տրանսպորտի դաշնային գործակալությունը հրապարակել է այն ավիաընկերությունների ցուցակը, որոնց արգելվում է իրականացնել միջազգային չարտերային թռիչքներ:

Օրինակ` «Ուրալյան ավիուղիներ»-ին արգելվել է չվերթեր իրականացնել դեպի Հայաստանի Գյումրի եւ Ադրբեջանի Գյանջա քաղաքները: Սոչիից դեպի Գյումրի եւ Մոսկվայից դեպի Գյանջա թռիչքների իրավունքը է ստացել «Ութաիր» ավիաընկերությունը:

Ինչպես տեղեկացնում են ռուսաստանյան լրատվամիջոցները, տուրօպերատորներին նախապես զգուշացրել են նման իրավիճակի հնարավորության մասին:

Գործակալությունը նույն օրը չարտերային թռիչքներ իրականացնելու թույլտվությունից զրկել է նաեւ 2 մոսկովյան եւ 9 տարածաշրջանային ավիաընկերությունների: