«Սուրբ Գրիգոր Լուսավորիչ» հիվանդանոց են տեղափոխել տասներեք ակտիվիստի

«Սուրբ Գրիգոր Լուսավորիչ» բժշկական կենտորնի հերթապահ բժիշկ Արթուր Տիգրանյանը Yerkir.am-ին տեղեկացրեց, որ Բաղրամյան պողոտայում ոստիկանների բռնության արդյունքում վնասվածք ստացած ցուցարարներից 13-ը տեղափոխվել են իրենց հիվանդանոց:

Հիշեցնենք, որ երեկ` ժամը 19:00-ից, մեկնարկեց բողոքի երթ դեպի նախագահական նստավայր` ընդդեմ էլեկտրաէներգիայի թանկացման:

«Ցուցարարներից 13-ին տեղափոխել են մեզ մոտ: Լուրջ վնասվածքներ ստացածներ չկան: Մեկն էլ ակնակապիճի վնասվածք ունի, բայց լուրջ բան չկա: Շուտով նա էլ դուրս կգրվի: Իսկ մյուսներն էլ, հավանաբար, այս օրվա ընթացքում դուրս կգրվեն հիվանդանոցից»,- հայտնեց բժիշկը:

Հիշեցնենք, որ այսօր ևս Ազատության հրապարակում ժամը 18:00-ին նախատեսվում է բողոքի հավաք` ընդդեմ էլեկտրաէներգիայի թանկացման: