Այս անգամ «ցեղասպանություն» չասաց. թուրքական կայքը փրփուրներից է կառչում

Հռոմի Ֆրանցիսկոս պապը կիրակի օրը քննադատել էր գերտերություններին 20-րդ դարում տեղի ունեցած կոտորածները կանխելու համար ոչինչ չանելու և լուռ մնալու համար:

Թուրքական Haberler կայքն անդրադարձել է Հռոմի պապի ելույթին՝ թեթևացած հայտնելով, թե նա այս անգամվա ելույթում չի արտասանել «ցեղասպանություն» բառը, ինչպես արել էր Հայոց ցեղասպանության անմեղ զոհերի հիշատակին նվիրված պատարագի ժամանակ:

Կայքը նշում է, որ Հռոմի պապը «ցեղասպանություն» բառի փոխարեն օգտագործել է «հայկական մեծ ողբերջություն» եզրույթը:

Կայքը նշել է նաև, որ Հռոմի պապը մեղադրել է գերտերություններին նախորդ դարում հայերի սպանության ժամանակ լուռ մնալու համար:

«Նախորդ դարում այդքան շատ` միլիոնավոր հայեր են մահացել: Բայց որտե՞ղ էին գերտերություններն այդ ժամանակ: Նրանք այլ ուղղությամբ էին նայում»,- ասել էր Հռոմի պապն իր ելույթում: