ԱՄՆ ԱԳՆ խոսնակը դատապարտել է հայերին, լրագրողներին և միասեռականներին սադրիչ անվանած Էրդողանին

ԱՄՆ-ին մտահոգում են մտքի ազատության նկատմամբ Թուրքիայի կառավարության սահմանած սահմանափակումները. ԱՄՆ ԱԳ խոսնակ ԱՄՆ ԱԳՆ խոնակ Մարի Հարֆը հայտնել է ԱՄՆ-ի մտահոգությունը թուրքական կառավարության՝ մտքի ազատության նկատմամբ սահմանած սահմանափակումների վերաբերյալ:

Ըստ Demokrathaber-ի՝ լրագրողների հետ ամենօրյա զրույցի ընթացքում Հարֆին հարց է ուղղվել Թուրքիայի նախագահի մասին, ով CNN, New York Times և BBC-ին մեղադրել էր Թուրքիայի դեմ սադրանքներ իրականացնելու մեջ: Ի պատասխան՝ Հարֆը հայտնել է, որ երկար ժամանակ է, ինչ իրենք Թուրքիայում խոսքի եւ մտքի ազատության նկատմամբ խոչընդոտների կապակցությամբ իրենց մտահոգությունն են հայտնում: «Անկախ և ազատ մամուլը ժողովրդավար և բաց հասարակության հիմքն է: Թուրքիան մեր գործընկերն է և ՆԱՏՕ-ի դաշնակիցը: Մենք ժողովրդական արժեքները շարունակում ենք պահպանել»,- ասել է նա:

Հարցին, թե Թուրքիայի նախագահը հայերի, միասեռականների և լրագրողների մասին բացասական արտահայտություններ է անում, չի՞ դատապարտում կամ քննադատում նրան, Հարֆը պատասխանել է. «Անվարան»: (Նայեք՝ 35:00-ից)