Ժողովուրդը չի էլ կարող մեր կառույցից գոհ լինել. Ռոբերտ Նազարյանի անկեղծ խոստովանությունը

Արդեն տեղեկացրել ենք, որ ՀԷՑ-ը դիմել  է Հանրային ծառայությունները կարգավորող հանձնաժողովին՝ էլեկտրաէներգիայի սակագինը 17 դրամով թանկացնելու հայտով:

Այսօր կառավարության նիստից առաջ լրագրողների հետ զրույցում ՀԾԿՀ նախագահ Ռոբերտ Նազարյանը թվարկեց երեք հիմնական պատճառներ, թե ինչո՞ւ էլեկտրաէներգիան կարող է թանկանալ:

«Այսօրվա հայտն ինձ համար որեւէ հիմք չի կարող հանդիսանալ: Ասում են, որ ավելի քան հիմնավորված է, բայց` ո՞ւմ համար, համենայն դեպս` ոչ իմ կառույցի»,- ասաց նա:

Լրագրողի դիտարկմանը, թե ՀԾԿՀ-ն, ըստ ժողովրդի, չի ծառայում իր նպատակին, Նազարյանն արձագանքեց. «Ժողովուրդը չի էլ կարող մեր կառույցից գոհ լինել: Մեր կառույցն այնպիսի կառույց է, որ բոլորը դժգոհ են»: