Սկանդալ՝ Թուրքիայի նախկին նախագահի հուղարկավորման արարողության ժամանակ

Այսօր սկանդալային դեպք է տեղի ունեցել Թուրքիայի նախկին նախագահ Քենան Էվրենի հուղարկավորման արարողության ժամանակ:

Ըստ T24-ի՝ նախկին նախագահի հուղարկավորման արարողության ժամանակ, երբ իմամը, թուրքական սովորության համաձայն, հարցրել է ներկաներին՝ «հալալ ե՞ք անում ձեր իրավունքը», երկու կին բարձրաձայնել են՝ «հարամ լինի»:

Դեպքից հետո իրարանցում է եղել, սակայն կարճ ժամանակ անց արարողությունը շարունակվել է:

Նշենք, որ Թուրքիայում բարձրաստիճան գրեթե ոչ մի պաշտոնյա ներկա չի եղել նախկին նախագահի հուղարկավորման արարողությանը: Աշխատակազմը լուռ արարողություն է կազմակերպել Էվրենի հուղարկավորման համար:

Հիշեցնենք նաև, որ Թուրքիայում 98 տարեկանում մահացած երկրի նախկին նախագահ Քենան Էվրենը դատապարտվել էր ցմահ բանտարկության 1980 թվականին զինվորական հեղաշրջման կազմակերպման համար:  Էվրենը, ով հեղաշրջման արդյունքում դարձել էր նախագահ, անձեռնմխելի  անձ էր մինչեւ 2010 թվականը: