«Գազի տեսուչի» անվան տակ մուտք է գործել տուն և փորձել ավազակային հարձակմամբ հափշտակություն կատարել

Նյութերի նախապատրաստման ընթացքում պարզվել է, որ առերևույթ հանցագործություն կատարած անձը, ներկայանալով որպես «գազի գրասենյակի աշխատակից», մուտք է գործել Նոր Արեշի տներից մեկը և ձևացրել, թե ստուգում է գազի խողովակների անվտանգությունը, որի ընթացքում ատրճանակի նմանվող առարկայով բռնություն գործադրելու սպառնալիքով փորձել է հափշտակություն կատարել։ Հանցագործությունն ավարտին չի հասցվել՝ վերջինիս կամքից անկախ պատճառներով. տանտիրուհին աղմկել է և օգնություն կանչել, ինչի պատճառով բնակարան մուտք գործած անձը դիմել է փախուստի։ 

Դեպքի առթիվ հարուցվել է քրեկան գործ՝ ՀՀ քրեական օրենագրքի 175-րդ հոդվածի 2-րդ մասի 3-րդ և 4-րդ կետերով:

Նախաքննությունը շարունակվում է, միջոցներ են ձեռնարկվում՝ դեպքի հանգամանքների բազմակողմանի և լրիվ հետազոտումն ապահովելու ուղղությամբ: