Աբովյան փողոցից բերման ենթարկված ադրբեջանցի «օրենքով գողին» ընկերոջ հետ «ճանապարհել» են երկրից (ԼՈՒՍԱՆԿԱՐՆԵՐ)

Yerkir.am-ին մանրամասներ են հայտնի դարձել երեկ Երևանի Աբովյան փողոցից բերման ենթարկված այլազգի քրեական հեղինակությունների վերաբերյալ:

Հիշեցնենք, որ ոստիկանության քրեական հետախուզության գլխավոր վարչության եւ նույն վարչության 2-րդ վարչության աշխատակիցները գլխավոր վարչություն են տեղափոխել 34-ամյա Լուկա Ալանիձեին եւ 31-ամյա Լաշա Աբզիանիձեին:

Yerkir.am-ի տեղեկություններով՝ Հայաստան ժամանած հյուրերին հարցաքննելուց հետո «ճանապարհել են» երկրից:

Ըստ shamshyan.com-ի՝ Լ. Ալանիձեն «օրենքով գող» Լեկի Ռուստավսկին է, իսկ նրա ընկերը՝ Լ. Աբզիանիձեն, հանցագործ աշխարհում համարվում է հեղինակություն:

Ենթադրվում է, որ Ռուստավսկին Հայաստանում հանդես է եկել կեղծ անվանմամբ, քանի որ, ըստ Прайм Крайм-ի՝ նրա իսկական անուն ազգանունը Ալբերտ Մահամեդով է, իսկ հայրարnունը՝ Հովհաննեսի (Оганесович): Նա ազգությամբ ադրբեջանցի է, ծնվել է Վրաստանի ադրբեջանաբնակ Մառնեուլի շրջանում: «Օրենքով գող» է թագադրվել 2013-ին:

Լեկի Ռուստավսկին այնքան էլ հաճախ չի հայտնվում իրավապահների ուշադրության կենտրոնում: Հայտնի է, որ նա վերջին շրջանում լարված հարաբերություններ է ունեցել վրացի «օրենքով գողեր» Տախիի՝ Գեորգի Ուգլավայի և Կախայի՝ Կախաբեր Պիպիայի հետ: Նրա հակառակորդն է ադրբեջանցի օրենքով գող Ալբերտ Ռիժին (Հեյդար Ալի օղլու):