Ապրիլի 24-ին Comedy Club-ի բոլոր մասնակիցները Երևանում կլինեն

Հայտնի հայ շոումեն, հումորիստ, «Comedy Club» ակումբի հիմնադիր Գարիկ Մարտիրոսյանը РУСАРМИНФО կայքին տված հարցազրույցում ասել է, որ ինքն ու իր գործընկերներն ապրիլի 24-ին Երևանում են լինելու:

«Ապրիլի 24-ին նվիրված միջոցառումներին մասնակցելու նպատակով Հայաստան է գալու նաև ТНТ  հեռուստաալիքի գլխավոր տնօրեն Իգոր Միշինը»,- ասել է նա:

Մարտիրոսյանը նաև հայտնել է, որ ուրբաթ օրը Comеdy Club-ը չի հեռարձակվի: Կցուցադրվի  10 րոպեանոց տեսահոլովակ, որում հեռուստաալիքի աստղերը կպատմեն 1915-ի ողբերգության մասին: Սա ոչ միայն հարգանքի տուրք է բոլոր զոհվածներին, այլև տեղեկատվական ակցիա ТНТ-ի հեռուստադիտողների համար, ովքեր ոչինչ չգիտեն Հայոց ցեղասպանության մասին: