Դավիթաշենում 9-րդ հարկից ցած նետված տղամարդու դիակի վրա բռնության հետքեր են հայտնաբերվել

Yerkir.am-ին նոր մանրամասներ են հայտնի դարձել ապրիլի 13-ին Երևանի Դավիթաշեն 3-րդ թաղամասում 64-ամյա տղամարդու մահվան դեպքի վերաբերյալ:

Հիշեցնենք, որ ԱԻՆ-ում ահազանգ էր ստացվել , որ 9-րդ հարկից քաղաքացի է ցած նետվել: Թիվ 18 շենքի բակում հայտնաբերվել էր նույն շենքի բնակարաններից մեկի բնակիչ` 1951-ին ծնված Աշոտ Խանզադյանի դին: Նախնական վարկածի համաձայն՝ տղամարդն ինքնասպան էր եղել:

Yerkir.am-ի տեղեկություններով՝ տղամարդն աշխատում էր ավտոլվացման կետում: Շրջանատվող տեղեկություների համաձայն՝ նա ապրում էր որդու և հարսի հետ, ովքեր աղանդավորներ են: Խոսակցություններ կան, որ տանը տղամարդուն վատ են վերաբերվել: Նշենք, որ ՀՀ ՔԿ Երեւան քաղաքի Աջափնյակ եւ Դավթաշեն վարչական շրջանների քննչական բաժնում իրականացվում է քննություն՝ պարզելու տղամարդու մահվան հանգամանքները: Նույն օրը կատարվել է դեպքի վայրի զննություն, նշանակվել դատաբժշկական փորձաքննություն:

Եվ ահա yerkir.am-ին հայտնի է դարձել, որ,  դատաբժշկական փորձաքննության արդյունքներով, տղամարդու մարմնի վրա բռնության հետքեր են հայտնաբերել, ինչը վկայում է, որ հնարավոր է կատարվածը ոչ թե ինքնասպանություն, այլ սպանություն է: