ՀՀ ԱԱԾ-ից՝ ԼՂՀ ԱԱԾ-ին

Կառավարության վաղվա նիստում Լեռնային Ղարաբաղի Հանրապետությանը գույք նվիրաբերելու մասին հարց է ընդգրված: Այսպես` ՀՀ կառավարությունը որոշել է ՀՀ ազգային անվտանգության ծառայությանն ամրացված «ՀՈՒՆԴԱԻ ԷԼԱՆՏՐԱ» մակնիշի 5,995.0 հազ. դրամ արժողությամբ տրանսպորտային միջոցը Հայաստանի Հանրապետության կառավարությանն առընթեր ազգային անվտանգության ծառայությունից հետ վերցնել և նվիրաբերել Լեռնային Ղարաբաղի Հանրապետությանը` Լեռնային Ղարաբաղի Հանրապետության կառավարությանն առընթեր ազգային անվտանգության ծառայության գործունեությանն աջակցելու նպատակով:

Որոշումն ուժի մեջ մտնելուց հետո եռամսյա ժամկետում կկնքվի համապատասխան պայմանագիր: Հանձնման-ընդունման հետ կապված ծախսերն իրականացվելու են ԼՂՀ կառավարությանն առընթեր ազգային անվտանգության ծառայության միջոցների հաշվին: