Ադրբեջանում դարձյալ լրագրողի են ցանկանում դատել

Ադրբեջանի Իսմայիլի շրջանի դատարանը սկսել է  «Азербайджан сааты» ինտերնետային պարբերականի աշխատակից Էլչին Իսմայիլիի դեմ դատական գործի քննությունը. հայտնում է contact.az-ը:

Տեղեկության համաձայն՝ լրագրողը մեղադրվում է պատիվ ու արժանապատվություն վիրավորելու մեջ: 

Դատական հայց լրագրողի դեմ ներկայացրել են երկու կանայք, որոնք նյութական փոխհատուցում են պահանջում Իսմայիլի շրջանի բնակիչներին սոցցանցերում վիրավորելու համար: Նրանք ցանկանում են, որ «Ազադլըգ» թերթում ներողություն հրապարակվի:

Սակայն լրագրողը պնդում է, որ որևէ կապ չունի սոցցանցերում բնակիչների մասին գրառումների հետ:

«Իմ հետապնդման իրական պատճառը շրջանի բնակիչների բողոքների մասին տեսանյութերն են, որտեղ խոսվում է նրանց խնդիրների մասին», - ասել է Էլչին Իսմայիլին: