Էր Ռիադում ցանկանում են փոխել թագաժառանգ արքայազնին` լրագրողի սպանության հետ կապված

Սաուդյան Արաբիայի թագավորական ընտանիքի որոշ անդամներ սաուդցի ընդդիմադիր լրագրող Ջամալ Խաշուկջիի սպանության հետ կապված միջազգային սկանդալի ֆոնին մտադիր են թույլ չտալ, որ արքայազն Մուհամեդ բեն Սալմանը գահ բարձրանա. հայտնում է РИА Новости-ն`«Ռոյթերս»-ին հղումով:

Ըստ գործակալության աղբյուրների` «տասնյակ արքայազներ» և թագավորական ընտանիքի այլ անդամներ ցանկանում են գահին այլ մարդու տեսնել, սակայն չեն  գործի, քանի դեռ 82-ամյա թագավոր Սալման բեն Աբդել Ազիզ Ալ Սաուդը ողջ է: Միապետի  մերձավորները կարծում են, որ թագավորը դժվար թե գնա «սիրելի որդու» դեմ:

Հիշեցնենք, որ ԱՄՆ ԿՀՎ-ն պարզել էր, որ Խաշուկջիին սպանելու հրամանը տվել է Մուհամեդ բեն Սալմանը: