ԲՀԿ-ն մասնակցելու է ԱԺ վաղվա արտահերթ նիստին

ԲՀԿ մամուլի խոսնակ Տիգրան Ուրիխանյանը Yerkir.am-ի հետ զրույցում ասաց, որ ԲՀԿ-ն մասնակցելու է ԱԺ վաղվա արտահերթ նիստին:

«Քննարկման են դրվելու օրենքներ, որոնք հանրության մեծ մասին կամ էլ հանրության որոշակի հատվածին հուզում են: Մասնավորապես՝ խոսքը «Շահութահարկի օրենքի նախագծի» մասին է: Այստեղ ԲՀԿ-ն, մեղմ ասած, շատ և բավական դժվարին աշխատանք ունի կատարած: Այն արդյունքը, որին մենք հասել ենք, այն, ինչ մենք կարողանում ենք այսօր մատուցել շահագրգիռ հատվածին, առանց ավելորդ համեստության պետք է ասեմ, որ նաև «Բարգավաճ Հայաստան»-ի պայքարի, պահանջատիրության արդյունք է: Հետևաբար, ես գտնում եմ, որ մենք մեր գործը պետք է ավարտին հասցնենք»,- ասաց Ուրիխանյանը:

ԲՀԿ մամուլի խոսնակը մեզ տեղեկացրեց, որ այսօրվա խորհրդակցության ընթացքում պատգամավորների կողմից խմբակցությունը լքելու մասին որևէ հարց չի քննարկվել: