Թումանյան 25 հասցեում բարձրակարգ հյուրանոց է կառուցվելու

Այսօր կառավարության նիստում որոշվեց լիազորել Երևանի քաղաքապետին` ՀՀ  անունից «Ռենշին» սահմանափակ պատասխանատվությամբ ընկերության հետ կնքել Երևան քաղաքի Թումանյան 25 հասցեում և դրան հարակից տարածքում սեփականության օտարման գործընթացի ընթացքում պետության և ձեռք բերողի իրավունքները, պարտականություններն ու պատասխանատվությունը սահմանող պայմանագիր:

Ծրագրի իրականացմամբ նախատեսվում է Թումանյան և Կողբացի փողոցների հատման մասում կառուցել միջին հարկայնության, 80 համարով բարձրակարգ հյուրանոցային համալիր: Ակնկալվող արդյունքի համաձայն` պայմանագրի կնքումից հետո հնարավոր կլինի նշված տարածքի նկատմամբ ճանաչել բացառիկ` գերակա հանրային շահ և իրականացնել քաղաքաշինական ծրագիրը:

Հիմնական զեկուցող` Երևանի քաղաքապետ Տարոն Մարգարյանը նշեց, որ քաղաքաշինական այդ ծրագրի համար նախատեսված է 8 միլիոն դոլարի ներդրում: