Այս անգամ կջախջախեմ Արթուր Աբրահամին. Փոլ Սմիթ

Պրոֆեսիոնալ բռնցքամարտի սուպերմիջին քաշային կարգի WBO վարկածով աշխարհի չեմպիոն հայ բռնցքամարտիկ Արթուր Աբրահամը փետրվարի 21-ին հերթական մենամարտը կանցկացնի` մրցելով բրիտանացի Փոլ Սմիթի հետ:  Բռնցքամարտիկներն արդեն մեկ անգամ հանդիպել են նախորդ տարվա սեպտեմբերին: Այդ մենամարտում Աբրահամը հաղթել էր մրցակցին՝ մրցավարների միաձայն որոշմամբ, ինչը դժգոհություն էր առաջացրել Սմիթի և նրա երկրպագուների շրջանում:

«Առաջին մենամարտում  դուրս եկա ռինգ՝ կարծելով, որ կհաղթեմ: Այս անգամ ռինգ եմ դուրս գալու` իմանալով, որ կջաղջախեմ նրան: Ես շատ վստահ եմ ինձ վրա: Ես գիտեմ, թե ինչպիսին եմ հիմա և 100 տոկոս ինքնավստահություն ունեմ: Այս անգամ մրցակիցը  չի կարողանա հույսը դնել մրցավարների վրա: Գիտեմ, որ նա լավ է պատրաստվել, և ես` ինքս էլ, պատրաստ եմ արժանիորեն դիմակայել նրան: Ես հիմա տեխնիկապես ավելի լավ եմ պատրաստված  քան անցած անգամ: Առաջին մարտն ինձ համար հնարավորություն էր` համոզվելու, որ ես համաշխարհային մակարդակի վրա եմ»,- Սմիթի խոսքերն է մեջբերում Boxing scene-ը: