Հայ օպերային երգիչն` առաջին տեղում

Ալ. Սպենդիարյանի անվան օպերայի և բալետի ազգային ակադեմիական թատրոնի մեներգիչ Հովհաննես սարկավագ Ներսեսյանը Ռիմսկի-Կորսակովի անվան` երիտասարդ օպերային երգիչների 9-րդ միջազգային երաժշտական մրցույթում զբաղեցրել է առաջին տեղը:

Yerkir.am-ին թատրոնի մամլո ծառայությունից տեղեկացրին, որ Ներսեսյանը Հայաստան կվերադառնա փետրվարի 6-ին:

Մրցույթը տեղի է ունեցել հունվարի 28-31-ը Տիխվինում` ռուս մեծանուն կոմպոզիտոր Ռիմսկի-Կորսակովի հայրենի քաղաքում: Այս տարի մրցույթն առաջին անգամ անցկացվել է երկու ուղղություններով` կամերային և օպերային կատարումներ: Կամերային բաժնի համար ընտրվել էր 15 կատարող, օպերայինի համար` 44 մասնակից` Ռուսաստանից, Բելառուսից, Ուկրաինայից, Ուզբեկստանից, Վրաստանից, Հայաստանից և Չինաստանից: