Ադրբեջանցիները ստորագրահավաք են սկսել՝ Սերժ Սարգսյանին «պատերազմի հանցագործ» ճանաչելու պահանջով

Ադրբեջանցիները հերթական ստորագրահավաք են սկսել: Նրանք ՄԱԿ-ի Անվտանգության խորհուրդից պահանջում են ՀՀ նախագահի Սերժ Սարգսյանին ճանաչել որպես «պատերազմի հանցագործ»:


Նրանք ներկայացրել են, թե «ինչո՞ւ է սա կարևոր».

«Ցավոք, Սերժ Սարգսյանը՝ Հայաստանի ներկայիս նախագահը, Ադրբեջանի դեմ բազմիցս իրականացրած հարձակողական քաղաքականության համար միջազգային կազմակերպությունների կողմից դեռեւս չի պատժվել: Նրա անիմաստ` «Մենք ցանկացանք Ադրբեջանին լավ դաս տալ» հայտարարությունը չի մոռացվել: Սերժ Սարգսյանն անմիջականորեն ներգրավվել է Լեռնային Ղարաբաղի և հարակից յոթ շրջանների օկուպացմանը: Նրա ռազմական, քաղաքակական ագրեսիան պետք է դատապարտվի միջազգային հանրության կողմից»:

Ստորագրահավաքին ներկա դրությամբ միացել է 16,675 թուրք և ադրբեջանցի:

Ստորև տեղադրում ենք ստորագրահավաքի հղումը՝ որի ստորին հատվածում կարող եք սեղմել «report» կոճակն ու կանխել այս խեղկատակության տարածումը:

Այստեղ՝ secure.avaaz.org