Մեր ցանկացած զինվոր իրավունք ունի իր հայրենիքի պաշտպանության համար ազատ գործելու. Մովսես Հակոբյան

Այսօր Հայոց բանակի կազմավորման տոնի կապակցությամբ Եռաբլուրում էր ԼՂ ՊԲ հրամանատար, գեներալ-լեյտենանտ Մովսես Հակոբյանը: Լրագրողների հետ զրույցում, խոսելով Ադրբեջանի ագրեսիվ քաղաքականության մասին, նշեց. «Դրանք սադրանքներ են, որոնք ուղղված են Հայոց բանակի դեմ, փորձում են վնաս պատճառել ՊԲ-ին»:

Հարցին` մեր կողմից համարժեք պատասխան լինո՞ւմ է, Մովսես Հակոբյանը պատասխանեց. «Մենք ոչ թե պատասխան ենք տալիս, այլ անում եք այն, ինչ պետք է` մենք կայացնում ենք որոշում»:

Yerkir.am-ի հարցին` արդյո՞ք ԼՂ ՊԲ-ն նույնպես որդեգրել է նախահարձակ լինելու մարտավարությունը, նա պատասխանեց. «Մեր ցանկացած զինվոր իրավունք ունի իր հայրենիքի պաշտպանության համար ազատ գործելու»:

Իսկ հնարավո՞ր է, որ հենց այսօր` Հայոց բանակի տոնի կապակցությամբ, Ադրբեջանը նորից սադրանքներ իրականացնի, ԼՂ ՊԲ հրամանատարն այդ հարցին պատասխանեց. «Նրանք ամեն օր կարող են ակտիվանալ, բայց  դա ոչինչ չի նշանակում»:

Մինսկի խմբի վերաբերյալ հարցերին չպատասխանեց` ասելով, որ ՊԲ-ն այդ հարցերով չի զբաղվում: