Սադրանք՝ ՀՅԴ Ընդհանուր ժողովի ֆոնին

Որոշ լրատվամիջոցներում այսօր «հայտարարության» տեքստ հրապարակվեց՝ իբր ՀՅԴ Լոռու մարզի Սպիտակի կոմիտեի եւ կոմիտեության անդամների անունից: Թե իբր նրանք դադարեցնում են իրենց անդամակցությունը Հայ Յեղափոխական Դաշնակցությանը, քանի որ իբր ՀՅԴ-ն շեղվել է իր առաքելությունից, եւ միանում են «Հիմնադիր խորհրդարանին» /նույն «Նախախորհրդարան»-ն է-խմբ./: Ըստ մամուլի հրապարակումների` հայտարարության տակ ստորագրել է 24 մարդ:

Yerkir.am-ի հետ զրույցում ՀՅԴ ԳՄ անդամ, Լոռու մարզի պատասխանատու Հովհաննես Թադեւոսյանը հայտնեց, որ Սպիտակում ՀՅԴ կոմիտե չկա, որ դաշնակցական ընկերների մեծ մասը երկրում չէ:

«Սպիտակում կան ընկերներ, բայց, ցավոք, ընկերների գերակշիռ մասն արտագնա աշխատանքի է: Ես նայեցի այդ՝ իբր 24 դաշնակցականների անուն-ազգանունները եւ ապշած եմ: Նախ` նրանց 80-85 տոկոսին չեմ ճանաչում: Մեկի անուն-ազգանունն, իրոք, համընկնում է մեր ընկերոջ անուն-ազգանվան հետ, զանգահարեցի, խոսեցինք, պարզվում է՝ ոչ մի հայտարարությունից տեղյակ չէր»,-պատմեց Թադեւոսյանը:

ՀՅԴ ԳՄ անդամը մի բանում վստահ է՝ սա սադրանք է` ՀՅԴ Ընդհանուր ժողովի ֆոնին: